Actualités

Kaominina Imerintsiatosika Miroso ny asa fampandrosoana na dia tsy misy manampy aza

Actualités
Alatsinainy 08 Mey 2017

Miroso ny asa fampandrosoana ny tan�na ho an�ny kaominina ambanivohitra Imerintsiatosika.

Notanterahina ny faran’ny herinandro teo ny ady fototr’ilay tohatoha-bato lehibe mampifandray ireo fokontany miisa 14 ao amin’ny faritra Atsimo, notarihin’ny Ben’ny tanàna Andriambolanarivo Herisoa. Araka ny fantatra mijaly ny mponina ao amin’ireo fokontany ireo rehefa fahavaratra ny andro noho ny haratsian-dalana. Ity tohatoha-bato lehibe ity no hita fa vahaolana hahafahan’ireo tantsaha mamokatra mamoaka vokatra sy mifamezivezy. Ireo vatan-dehilahy feno taona ao an-tanana avokoa no nanolo-tena hanao ny asa amin’ny alalan’ny asa tana-maro. Noraisin’ireo mpandraharaha sy malala-tanana ao amin’ny kaominina kosa ny fiantohana ireo fitaovana sy kojakoja ilaina toy ny vatokely, ny simenitra. Efa mandeha ihany koa ny asa fanamboarana ny trano vaovaon’ny kaominina. Efa vita ny hady fototra saingy tsy mbola nisy hatreto ny fanampiana avy amin’ny fanjakana. Hatsangana tsy ho ela ihany koa ny CEG ao an-toerana entina hanalana fahasahiranana ny mpianatra ka ny Master Immobilier no efa tonga nanolotra simenitra 1 taonina sy vola hividianana biriky miisa 5.000 isa ny herinandro teo.

Pati