Actualités

Kaominina Betsiaka sy Ambalan’Anjavy Baranahiny tanteraka ny fitrandrahana volamena

Actualités
Talata 16 Jolay 2019

Anisan’ny faritra sompitry ny volamenan’i Madagasikara ny Kaominina Betsiaka sy Ambalan’Anjavy anatin’ny Distrikan’Ambilobe.

Olana nefa ny fahamaroan’ireo olona mpitrandraka misehatra amin’ny tsy ara-dalàna ka manao izay tiany atao sy saim-pantany fotsiny izy ireo. Nidina nijery ifotony tany mihitsy ny teo anivon’ny Ivontoerana misahana ny Sehatr’asa Volamena (ANOR) avy aty Antananarivo nandrindra sy nandamina ireo mpitrandraka volamena tsy ara-dalàna maro be any an-toerana. Rehefa izay dia nitafa sy nidinika ary indrindra nampahafantatra tamin’ireo mpisehatra amin’ny fitrandrahana volamena sy ny tompon’andraikitra eo anivon’ny vondrom-bahoaka itsinjaram-pahefana izy ireo ny amin’ireo andraikitra sy ireo tombontsoa amin’ny fidirana amin’ny ara-dalàna. Tanjona ny hahazoan’ny mpisehatra, ny mpandraharaha ary indrindra ilay faritra mihitsy ny tombontsoa amin’ny alalan’ny fahazoan-dalana sy ny karatra maha matihanina isaky ny sokajiny. Amin’izany no hisian’ny tamberim-bidy amin’ny fitrandrahana ny volamena any ka hanatsara ny toekarena ankapobeny mihitsy.

Tsirinasolo