Actualités

Kaominina Antananarivo renivohitra Nahazo fitaovam-panadiovana avy amin’ny firenena sinoa

Actualités
Alarobia 10 Oktobra 2018

Matotra ny fiaraha-miasa eo amin’ny masoivohon’ny firenea sinoa eto Madagasikara sy ny kaominina Antananarivo Renivohitra. Tonga nanolotra kojakoja fanadiovana ny tanàna mitentina 25 tapitrisa Ar ho

an’ny tanànan’Antananarivo teny Nanisana omaly mantsy ny masoivohon’ny firenena sinoa rtoa Yang Xiaorong . Fitaovana toy ny borety miisa 100, ratô miisa 120 sy lapelina maro ary fanamiana ho an’ireo mpanadio tanàna no nomeny. Natao izao hahafahan’ny kaominina Antananarivo Renivohitra manatanteraka ny asa fanadiovana mialoha ny fotoam-pahavaratra, hisorohana ny mety ho fiparitahan’ny pesta. Nandray ireo fitaovana ireo teny amin’ny masoivohon’ny firenena Sinoa ny lefitra voalohan’ny Ben’ny tanànan’Antananarivo renivohitra ny kolonely Emilien Ramboasalama, izay nisolotena ny Ben’ny tanàna Lalao Ravalomanana. Nanotrona ny fotoana koa ireo delege avy amin’ireo boriborintany enina misy eto Antananarivo Renivohitra.