Actualités

Kaominina Ambavahaditokana Laharam-pahamehana ny fanampiana ireo tantsaha

Actualités
Alatsinainy 05 Oktobra 2015

Ny ampitson�ny fifamindram-pahefana dia nidina ifotony avy hatrany Ratianarivo Bruno, ben�ny tan�na vaovao ao amin�ny kaominina ambanivohitra Ambavahaditokana. Ny tambajotran�ny rano ampiasain�ny mpamboly no nisantarana izany.

Anisan’ny manimba ny vokatra mantsy ny lesoka amin’ny fitantanana ny rano nefa ny ankamaroan’ny mponina ao amin’ity kaominina ity dia tantsaha avokoa. Nisy avy hatrany ny fanapahan-kevitra hanangana rafitra vonjimaika hitantana ny hidin’ny toha-drano ka ireo sefo fokontany voakasika amin’izany no nikaon-doha nametraka azy. Tsy maintsy atao kosa izay hisian’ny rafitra hifampifehezan’ny mpampiasa ny tambajotran’ny rano, araka ny fanazavan-dRatianarivo Bruno. “Mahomby kokoa mantsy ny fampandraisana andraikitra ireo mahita tombontsoa amin’ny fitantanana fotodrafitrasa lehibe toy itony”, araka ny fanazavany. Nohamafisiny ihany koa fa misokatra amin’izay mety ho fiaraha-miasa rehetra ny tenany ho an’ny fampandrosoana ny tanàna. Nambarany fa mandalo fotoan-tsarotra Ambavahaditokana raha ny antontan-taratasy voarainy tamin’ny nandraisany ny fitantanana ny zoma teo no jerena ary tsy hiarina izany raha tsy misy ny fiaraha-mientana.

Nangonin’i RTT