Actualités

Kaominina Alasora Olona sahirana 2.000 notolorana fanomezana

Actualités
Zoma 23 Desambra 2016

Kaominina iray anisan�ny mijery akaiky ny maha olona ny kaominina Alasora tantanan�ny Ben�ny tan�na Marc Ramiarinjatovo.

Tsy nanadino ireo olona sahirana sy niangaran’ny vintana ao amin’ny faritra iadidiany ny Ben’ny tanàna sy ny ekipany amin’izao ankatoky ny fetin’ny Noely sy ny faran’ny taona izao. Olona sahirana sy zokiolona manodidina ny 2.000 isa omaly no notoloran’izy ireo fanomezana, lanonana notanterahina tao amin’ny kianja maitso. Fotsimbary, menaka niampy kilalao ho ana ankizilahy kely sy ankizivavy kely miisa 600 no natolony tamin’izany entina hamalifaliana ny rehetra noho ny fahatongavan’ny fety. Vokatry ny fiaraha-miasan’ny kaominina tamin’ireo mpiara-miombon’antoka aminy maro isan-tsokajiny no angady nananana sy vy nahitana izany hahafahan’ny mponin’Alasora rehetra miara-mankalaza ny fetin’ny Noely sy ny faran’ny taona sambatra. Hetsika efa fanaon’ny kaominina isan-taona moa ny tahaka izao. Tsy latsa-danja amin’izany ny fetin’ny 26 jona izay hanoloran’izy ireo fanomezana manokana ho an’ireo sahirana ihany koa noho ny fahatongavan’ny fetin’ny Asaramanitra. Vonona hiatrika ny fety ny kaominina. Efa mipetrapetraka avokoa ny lamina rehetra, indrindra fa ny fitandroana ny fandriampahalemana.