Actualités

Jiro maty teto an-drenivohitra Avy any Andekaleka ny olana

Actualités
Talata 01 Martsa 2016

Ny oram-baratra nahery vaika tany Andekaleka no nahatonga ny fahatapahan�ny herinaratra teo Antananarivo Renivohitra ny alahady hariva lasa teo,

hoy Atoa Feno Randrianarison miandraikitra ny seraseran’ny Jirama. Mitarika fijanonan’ireo milina mpamokatra herinaratra ao Andekaleka ny filatsahan’ny varatra, hoy izy satria misy fitaovana manokana manapika avy hatrany ireo milina vantany vao misy varatra. Averina tsikelikely avy eo ny famokarana herinaratra, araka ny laharam-pahamehana ka tsy maintsy omena voalohany ny hopitaly, toeram-pitsaboana, lapam-panjakana, minisitera, toby miaramila…ary manaraka ny ambiny avy eo. Izay no nahatonga ny fahatapahan’ny herinaratra tamin’ny alahady teo, hoy hatrany ny fanazavana. Tsy delestazy iny fa tena fahatapahana noho ny antony ara-teknika, hoy ny Jirama. Ny atao hoe delestazy mantsy, hoy hatrany ny fanazavana dia fanapahana ny famatsiana iniana atao noho ny tsy fahampian’ny tanjaky ny herinaratra vokarina, ankehitriny anefa dia ampy tsara ny herinaratra vokatra ho an’Antananarivo.

RTT