Actualités

Jeneraly Njato Andriajanaka Mampitandrina ireo zandary zatra kolikoly

Actualités
Alarobia 04 Desambra 2019

Ny 1 600 amin’ireo mpiadina 10 646 nandritra ny fifaninanana hidirana ho mpianatra zandary andiany voalohany tamin’ny 23 sy 24 novambra lasa teo no horaisina hiatrika ny dingana faharoa.

Efa napetraka ireo arofanina rehetra mba hampangarahara ny fifaninanana, hoy ny teo anivon’ny zandarimariam-pirenena. Mpandainga sy mpamitaka kosa ny olona izay milaza fa hahatafiditra mpianatra ho zandary raha mandoa vola, hoy ny kaomandin’ny zandarimariam-pirenena, Jeneraly Njato Andriajanaka. Mampitandrina ireo izay minia hangata-bola na iza na iza, indrindra ireo zandary efa zatra nitsivalam-pandry. Nohamafisiny fa ireo izay mahafeno fepetra amin’ireo naoty no afaka miatrika ny dingana faharoa. Ny alakamisy izao no hanomboka ny fitsarana ireo laza adina ka ny minisiteran’ny fanabeazam-pirenena no hisahana izany.

Marigny A.