Actualités

Jean Nirina Rafanomezantsoa Nahazo MD vaovao indray

Actualités
Talata 20 Septambra 2016

Voalaza fa miandry ny fitsarana ny raharaha nitanana azy vonjimaika teny am-ponja nanomboka ny volana aogositra teo ny filohan�ny fiarahamonim-pirenena Hafari, Jean Nirina Rafanomezantsoa, anio talata 20 septambra ity.

Niakatra fampanoavana tamin’ny raharaha nitorian-dRtoa Joella avy any Sofia amin’ny resaka « sequestration » nahazo azy indray anefa omaly alatsinainy 19 septambra ity filohan’ny Hafari ity. Nisadify ny tsy hampita hafatra tamin’ny mpanao gazety intsony aloha ny lehilahy sy ny mpisolovava azy omaly. Fantatra taorian’io fiakarana fampanoavana io anefa fa nahazo fampidirana am-ponja vonjimaika fanindroany indray izy tamin’ity raharaha hafa nitoriana azy ity. Raha tsorina, na inona na inona ho vokatry ny fitsarana ho azony anio dia mbola hiverina any am-ponja hiandry ny fitsarana ity fiampangana nataon-dRtoa Joella azy ity indray Rafanomezantsoa Jean Nirina.

Ntsoavina Evariste