Actualités

IFARIHY Tratra ireo mpangalatra sy mpanolana vehivavy

Actualités
Sabotsy 29 Oktobra 2016

Mpamaky trano fito lahy no voasambotry ny polisy avy ao amin�ny Commissariat central Tanjombato ny alin�ny alatsinainy lasa teo tokony ho tamin�ny 10 ora, teny Ambaniatsimo Tanjombato ihany.

Tokantrano iray teny Ifarihy no notafihin’izy ireo ka very tamin’izany ny vola mitentina 300.000 Ar, fahitalavitra ecran plat 32” iray, fakan-tsary iray, firavaka volafotsy ary solosaina sy ampli iray. Andro vitsivitsy anefa dia sarona izy ireo vokatry ny vela-pandrika nataon’ny mpitandro ny filaminana ka samy niaiky ny heloka vitany avokoa izy ireo. Ankoatra ny halatra dia niaiky ihany koa ny roalahy tamin’izy ireo fa nanolana ilay ramatoa tompon-trano sy ny tovovavy taizany iray izay vao 13 taona monja. Tamin’ny fanadihadiana natao azy ireo ihany koa dia efa namidin’ireto jiolahy ireto teny amin’ny Petite Vitesse ireo entana halatra azony ka tsy nisy hita intsony. Marihana moa fa mbola eo am-pikarohana ny namany tafaporitsara ny polisy. Efa any amin’ny fonjaben’Antanimora mibaby ny valin’asany izy fito lahy ireo.