Actualités

Hopitaly CHU-JRA Nahazo fotodrafitrasa vaovao indray

Actualités
Sabotsy 24 Desambra 2016

Nohavaozina tanteraka ny sampandraharaha fandidiana momba ny kibo ho an�ny ankizy madinika etsy amin�ny h�pitaly CHU-JRA Ampefiloha.

Vokatry ny ezaky ny minisiteran’ny Fahasalamam-bahoaka sy ny Vivo Enregy Madagascar no angady nanana izany, fotodrafitrasa notokanan’ny minisitra Andriamanarivo Lalatiana. Anisan’ny asa notanterahina ny fanolorana ny varavaran-kazo rehetra ho lasa vy aluminium, ny fantsona mitondra ny rano rehetra ankoatra ny jiro sy ny loko. Narahina fizarana kilalao ho an’ireo ankizy 32 mianadahy manaraka fitsaboana ao amin’ity sampandraharaha iray ity izany entina hamalifaliana azy ireo noho ny fahatongavan’ny fetin’ny Noely. Nisy ihany koa ny fanolorana vata fahitalavitra iray lehibe ao amin’ny efitrano filalaovan’izy ireo mba hahafahany miala voly toy ny ankizy rehetra. Tsiahivina moa fa mahatratra 30 isan-kerinandro ankehitriny ireo ankizy mandalo fandidiana ao amin’ity sampandraharaha iray ity.

Pati