Actualités

Partagé sur :
• facebook

Misedra olana tanteraka ireo mpivarotra harona plastika eto an-drenivohitra amin’izao fotoana izao.

Hatramin’ny faran’ny volana martsa lasa teo, fe-potoana farany nahafahana nivarotra ireo karazana harona plastika latsaky ny 50 microns  mantsy dia fantatra fa  saika nampiakatra ny vidin’ireo harona plastika mihoatra ny 50 microns  avokoa, izany hoe ireo azo hampiasaina  ireo orinasa mpanodina izany eto amintsika. 150 Ar no nakana ny iray teo aloha, hoy ny mpivarotra iray  tetsy amin’ny pavillon  Analakely, tafakatra 300 Ar anefa ankehitriny ary tsy maintsy mivarotra 400 Ar ka tsy misy mividy intsony  ny mpanjifa. Tsy vitsy amin’ireo mpivarotra harona plastika ireo no very asa fivelomana. Aleon’ny olona, hoy ny raim-pianakaviana mpivarotra iray mividy ireo karazana harona  vita amin’ny lamba 1.000 Ar azo sasany  sady ela  vao simba toy izay hividy harona plastika iray 400 Ar, mora simba nefa eny an-tsena ihany no azo hampiasaina. Miantso ny fanjakana hitady vahaolana hahafahana manolo ny harona plastika 100 sy 200 Ar  teo aloha ho zavatra hafa  ireo mpivarotra ireo hanohizany  ny asa fivelomany. Mikasika ireo harona plastika latsaky ny 50 microns manokana dia fantatra fa efa misy ny ekipa manokana manara-maso izany eny anivon’ny orinasa sy ny tsena ankehitriny asa iarahan’ny minisiteran’ny indostria sy ny minisiteran’ny varotra ary ny minisiteran’ny tontolo iainana.

Pati

Tia Tanindrazana

Samia mijoro ho an'i Gasikara.