Actualités

Halatra taova tany Betiky atsimo Tsy nisy lela sy maso ary atidoha intsony ilay zazavavy

Actualités
Alatsinainy 10 Novambra 2014

Halatra taova, mahoraka indray tato ho ato any amin�ny faritra Atsimo Andrefana io. Ankizivavy efatra taona no hita faty tao amin�ny fokontany Lazarivo Atsinanana, distrikan�i Betioky Atsimo, ny alarobia maraina teo, izay tsy nisy lela sy maso ary atidoha intsony, taorian�ny fitsirihana nataon�ny mpitsabo. Niroso tamin�ny fanadihadiana avy hatrany ny mpitandro filaminana raha vao nahare ny vaovao. Olona dimy no voasambotra izay hatolotra ny fitsarana rahampitso talata.

Lela iray, 8 tapitrisa ariary

Ny telo amin’ireto mpibizina taovan’olombelona ireto, dia olona eo an-tanàna ihany, voasambotra ny alakamisy, izay efa nahazo vodion’ondrim-barotra telo hetsy ariary, raha ny zoma ny roalahy atidoha mpaniraka, voalaza fa nanakarama sy nampanantena hanome vola 8 tapitrisa ariary, raha mitondra taova (lela), hoy ny loharanom-baovao. Tsy vao izao no nisy nahenoana halatra taova tao amin’ity kaominina ity ary entin’ireo tsy mataho-tody amin’ny moto ao anaty vata fampangatsiana kely (glacière) ireo taova azony, hoy ny mponina any an-toerana.