Actualités

Halatra findany eny amin�ny 67 Ha Voasambotra i Pascal

Actualités
Talata 29 Novambra 2016

Lehilahy iray no tonga nametraka fitoriana tao amin�ny kaomisarian�ny polisy etsy amin�ny Boriborintany fahafito 67 ha ny 27 novambra lasa teo noho ny sinto-mahery nihatra taminy.

Teny amin’ny Vatobe fiandrasana taksibe mihazo an’Ivato no nitrangan’izany, tokony ho tamin’ny 5 ora hariva. Niakatra tao anatiny taksibe ity lehilahy iray ity no nisy naka ny finday tao am-paosiny. Nivoaka nanenjika io mpangalatra io izy taorian’izany ka nampian’ireo polisy nandrindra ny fifamoivoizana teny an-toerana. Vokany, tratra ilay mpangalatra ary mbola tratra teny aminy ilay finday. Nanaiky ny fiampangana azy i Faniry Pascal, ary nilaza izy fa saika hamidiny teny amin’ireny mpivarotra amin’ny sisin-dalana ireny ilay finday nangalariny. Efa nigadra teny amin’ny fonjan’Antanimora ity lehilahy ity tamin’ny 2015. Natolotra ny fitsarana omaly izy.

Pati