Actualités

Hain-trano tao Ankasina 7 no maty, 454 tsy manan-kialofana

Actualités
Talata 27 Septambra 2016

Nitrangana hain-trano goavana tao amin�ny fokontany Ankasina ny alahady alina lasa teo tokony ho tamin�ny 11 ora sy sasany.

Vokatry ny fifamalian’olon-droa avy tamina trano hazo iray no voalaza fa niteraka ny afo izay niitatra eran’ny tanàna ka namono olona miisa valobe izao. Ny iray tamin’ireo vehivavy bevohoka, zaza latsaky ny valo taona kosa ny iray. May nikainkona toy ny kitoza izy ireo nalaina tao anaty entana sy lavenona, araka ny fanazavan’ny kolonely Rabemanantsoa Michel, lehiben’ny mpamonjy voina etsy Tsaralalana. Notsindriany fa efa tena niezaka izy ireo nifehy ny afo. Sivy minitra monja taorian’ny nahazoany antso dia efa tonga teny an-toerana ny mpamonjy voina ka lehilahy miisa 35 no nifanome tanana ankoatra ny fokonolona. Fiaraben’ny mpamonjy voina miisa fito sy kamiaon’ny kaominina Antananarivo Renivohitra iray no indray namono ny afo ka ora iray dia voafehy. 300 metatra niala tao amin’ity fokontany ity moa vao nahita aro afo (bouche d’incendie) izy ireo ary nampiana môtô pompe. Trano miisa 50 tafo no indray ripaka, fianakaviana miisa 112 no tsy manan-kialofana izay misy olona miisa 454. Ity no hain-trano voalohany namoizana ain’olona betsaka indrindra teto an-drenivohitra hatramin’ny fiandohan’ny taona, mitotaly 54 ny fitambaran’izy ireo.

Pati