Actualités

�Greffiers en chef concepteurs� 10 taona lasa no nisy farany

Actualités
Alakamisy 28 Aprily 2016

Tokony haato ny grevy mandritra ny fifampiresahana sy fananganana komity hamahana ny olan�ny mpiraki-draharaha,

hoy ny minisitry ny tombokasem-panjakana Andriamiseza Charles nandritra ny fahatongavany teny amin’ny lapan’ny Fitsarana Anosy. Mitohy kosa ny fitokonan’ireo mpiraki-draharaha eo am-piandrasana ny valin’ny fitakiana avy amin’ny fanjakana, hoy ny filohan’ny «Syndicat des greffiers de Madagascar» Rabenandrasana Nicolas. Efa maro rahateo ny fifampidinihana teo amin’ny roa tonta saingy nandamoka hatreto ny vokany. «Mandray ny asanay avy hatrany izahay vao voavaly ireo hetaheta miisa 3 takianay», hoy ihany ny mpitarika ny sendikan’ny mpiraki-draharaha eto Madagasikara. Voalohany ny fijoroan’ny rafitra miandraikitra manokana ny lafiny firaketan-draharaha eo anivon’ny fitsarana. Faharoa, tsy andrasana amin’ny volana aogositra 2016 ny fampiakarana 100% ny tahan’ny karama izay efa nahazo fankatoavana tamin’ny taona 2015. Fahatelo ny fampiharana ny voalazan’ny lalàna mikasika ireo antanatohatra 3 mandrafitra ny tontolon’ny mpiraki-draharaha, indrindra ireo «greffiers en chef concepteurs». Tamin’ny taona 2006 nandritra ny fitondrana Ravalomanana mantsy no nahitana farany io andraikitra ambony indrindra eo amin’ny firaketan-draharaha io teto Madagasikara.

Ramano F.