Actualités

Partagé sur :
• facebook

Mitombo isan’andro vaky ireo fambara enti-milaza fa ho rava ny governemanta Kolo Roger. Taorian’ilay fitsipaham-pitokisana mbola misoko eny Tsimbazaza dia efa manomana ny ampitsony ny ankamaroan’ireo minisitra mpikambana ao anatin’io governemanta io

Fantatra izao fa niofo ho antoko politika ara-dalàna ankehitriny ilay fikambanana “Réfondation Totale de Madagascar (RTM)” nirotsahan-dRandriamampionona Joseph Martin na Dadafara ho kandida tamin’ny fifidianana filoham-pirenena ny taona 2013. Nandritra ny fivahinianany tao amina radio tsy miankina iray teto an-drenivohitra no nanambarany izany nivantana omaly. Minisitry ny fiompiana ao amin’ny governemanta Kolo Roger i Dadafara ankehitriny. Inona no nampihazakazaka azy nanangana antoko ? Tsy nanafina i Dadafara fa tsy mbola maty ao anatiny ny nofinofy ho tonga filohan’ny Repoblikan’i Madagasikara na tsy ho amin’ny 2018 na 2023 aza araka ny nambarany, saingy ho an’ny mpandinika politika kosa dia fambara vaovao indray io fa mihozongozona ny governemanta Kolo Roger, ka efa manomana ny ampitsony ireo mpikambana ao anatiny ary mitety haino aman-jery sy an-gazety mampahafantatra sy manao dokambarotra ny mombamomba azy sy ny fitsanganan’ny antokony, toy ny nataon’i Dadafara omaly. Kiribiby sisa mbola ijoroan’ny governemanta eto na dia efa mihozongozona avy ao anatiny aza. Sa mitombina ny resaka miely fa volan’i Kolo Roger niomanany hiatrehana fifidianana raha tsy nosakanana izy, no tena nentina nampandaniana ny filohan’ny Repoblika tamin’ny fihodinana faharoa, ka ho sarotra amin’ity farany ny hanilika azy amin’io toerana io ?

Tia Tanindrazana

Samia mijoro ho an'i Gasikara.