Actualités

GBPE Mankalaza ny faha-40 taonany

Actualités
Alatsinainy 22 Aogositra 2016

Fikambanana tsy miankina amina fiangonana na antokom-pivavahana ny GBPE ( Groupe Biblique des Professionnels Engag�s) fa laika.

Ramaharison Johns no filoha mpanorina ny fikambanana izay mbola manana tanjona hanova fo ny mpiasa Malagasy rehetra mpikambana ao anatin’ny 40 taona ho avy hahafahana mampandroso ny firenena. Nosokafana ny sabotsy teo ny fankalazana ny faha-40 taona nijoroan’ny fikambanana teto amintsika. Anisan’ny asa hiantsorohany ny manao vondrom-bavaka isaky ny alarobia sy zoma antoandro entina hitondrana am-bavaka ny mpiasa Malagasy rehetra. Amin’izy ireo mantsy dia tsy misy zavatra mandeha sy azo antoka raha tsy matotra sy matahotra an’Andriamanitra ny mpiasa iray, lalana izay hahafoana ho azy ny fanaovana kolikoly sy ny hafetsifetsena rehetra rehefa resy lahatry ny filazantsara ny tsirairay. Faritra miisa dimy eto amintsika no efa misy ny GBPE ankehitriny raha firenena Eoropeanina efatra ivelan’i Madagasikara no efa misy azy. Efa misy ny fikambanana ihany koa ny ao La Réunion amin’izao fotoana izao. Tsiahivina moa fa amin’ny 12 ora antoandro hatramin’ny 2 ora sy sasany no hanatanterahan’ny fikambanana izany fotoam-bavaka izany ao anatin’ireo andro roa amin’ny herinandro ireo.

Pati