Actualités

Freddy Gadra voakarakara manokana

Actualités
Alakamisy 14 Janoary 2016

Nanaitra ny tenin�ny tonia mpampanoa lal�na ny Fitsarana ambaratonga voalohany Toamasina, Rajaona Thierry,

tamin’ny mpanao gazety, ny talata teo, nanazavany ny mikasika ny raharaha Arnaud, ilay tovolahy 17 taona, zanaka mpandraharaha nisy naka an-keriny niaraka tamin’i Annie, anabaviny, ny 23 novambra 2015. Nambarany tsy ampihambahambana fa « tena mifaningotra amin’io raharaha fakana an-keriny io i Freddy na mbola mifonja ao Tsiafahy aza, satria voaray avokoa ny resaka nifanaovany tamin’i Borille Jean, mpandraharaha ny fonja ao Toamasina, nifandray tamin’ny mpaka an-keriny tamin’ny fitakiana ny vola ». Nohelohin’ny fitsarana higadra mandrampahafatiny i Freddy noho ny raharaha fakana an-keriny. Mifonja eny Tsiafahy ny lehilahy. Mampametra-panontaniana ny maro ny mbola hahafahany mifanerasera amin’ny aty ivelany. Tsy vitan’ny miantso an-telefaonina, araka ny ambaran’ny mpampanoa lalàna izy, fa mikirakira facebook ihany koa. Sa noho i Freddy Mpandraharahan’ny fonja teo aloha dia mahazo fikarakarana manokana ? Andrasana ny fanazavan’ny avy eo mpandraharahan’ny fonja mikasika izany.

Jean D.