Actualités

FRAM ANEFFA Nitokona nitaky ny handoavana tambikaramany efa-bolana

Actualités
Talata 06 Janoary 2015

Vao miandoha ny taona ny fitokonana ! Raha namonjy ny tokonam-baravaran-tsekoly hanohy ny telovolana faharoa amin’ny taom-pianarana 2014-2015 ny mpianatra amin’ny sekolim-panjaka omaly, dia nisafidy ny hitokona teo anoloan’ny biraon’ny DREN Analamanga etsy Analakely kosa ireo mpampianatra FRAM mivondrona eo anivon’ny ANEFFA (Association Nationale des Enseignants Fonctionnaires et FRAM en activité). Mitaky ny handoavana ny tambinkaraman’izy ireo efa-bolana, nampanantenaina ho azo talohan’ny fetin’ny faran’ny taona 2014. Nambaran’ireo FRAM vitsivitsy tonga teny an-toerana fa hetsika fanairana ihany ny omaly, fa hihamafy izany raha tsy misy valiny ny fitakian’izy ireo.