Actualités

Fonjan�Antanimora 3400 no migadra ao

Actualités
Zoma 07 Oktobra 2016

Tafakatra 3.400 isa ankehitriny ny ireo voafonja tazonina ao amin�ny fonjaben�Antanimora raha 800 isa no tokony ho izy.

Nanomboka ny taona 2015 no nampahazo vahana izany, antony miteraka ireo karazana olana maro samihafa sedrain’ny voafonja. Anisan’ireny ny tsy fahampian-tsakafo ankoatra ny fanajana ny resaka zo maha-olona. Tafiditra ao anatin’io tarehimarika io avokoa ny lehilahy, ireo vehivavy vao teraka sy mitondra vohoka ary ireo miaraka amin’ny zanany latsaky ny roa taona. Manoloana izany dia miantso ny amin’ny hanafainganana ny hitsarana ireo voafonja mbola tsy nandalo izany ny komity iraisam-pirenena eo anivon’ny fikambanana Vokovoko mena. Manatanteraka fihaonana miaraka amin’ny ministeran’ny fitsarana etsy amin’ny ENMG Tsaralalana izy ireo nanomboka omaly, hotronin’ny mpitandro ny filaminana. Tanjona ny hitadiavana paikady entina hanatsarana ny fandraisana an-tanana ny voafonja ho fitsinjovana azy ireo. Fantatra moa fa efa 20 taona izao no niarahan’ny Ministeran’ny Fitsarana sy ny komity iraisam-pirenena eo anivon’ny Vokovokomena niasa ary mbola vonona hatrany ireto farany ny hanohy izany.

Pati