Actualités

FLM Sambava Potika ny lakilem-piangonana, nifandroritana ny �orgue�

Actualités
Alatsinainy 12 Oktobra 2015

Rotaka indray no niafaran�ny fotoam-pivavahana tao amin�ny FLM Sambava omaly, mbola tohin�ny raharaha tsy fahatanterahan�ny famindran-toerana ny pastora tompon-toerana tao no antony.

Nisy andian’olona tonga tao am-piangonana omaly namotika ny fanalahidin’ny Fiangonana ka nanolo izany tamin’ny fanalahidy efa voaomana avy any, mba hahafahan’izy ireo mifehy ny fivoahana sy fidirana an’ity tranon’Andriamanitra ity. Tsy nijanona teo ny raharaha, fa nifandrotehana ihany koa ny zavamaneno «orgue» sy ny fanamafisam-peon’ny Fiangonana ary teo no raikitra indray ny fifanjevoana. Ny mampametra-panontaniana ny mpino dia ny fahanginan’ireo ambaratongan-drafitra amin’ny Loterana manoloana ity savorovoro tsy manam-piafarana ao amin’ny FLM Sambava tampon-tanàna ity. Vokatr’ity zava-nitranga omaly ity dia nametraka fitoriana any amin’ny polisy ihany koa ny kristianina mikasika ireo fitaovana simba sy nalaina ireo, fitoriana fanindroany nipetraka io taorian’ny fifampikasihan-tanana tamin’ny alahady heriny. Fitoriana izay tsy hay na hisy tohiny na hijanona amin’izao ?