Actualités

Partagé sur :
• facebook

Hotanterahina ny 7 ka hatramin’ny 9 novambra izao, izany hoe manomboka rahampitso, ny fivoriana momba ny varotra iraisan’ireo firenena mikambana ao anatin’ny rafitra iraisampirenena COMESA na ilay antsoina hoe “commerce transpontanière”.

 Araka ny fanazavan’ny tale jeneraly lefitra misahana ny antontan’isa eto amintsika, Tarzan Ndremitsara, dia miova isan-taona ny mpitarika ity fivoriana ity ary isika izany no hitarika izany mandritr’io 3 andro io. Any Lusaka, Zambia, moa no atao ny fivoriana, hoy izy, ary satria ny tenako no delegasionina ho any dia izaho izany no hitarika izany, hoy hatrany ity DGAn’ny INSTAT ity. Tafiditra ao anatin’ny fanatanterahana ny paikadin’ny COMESA mikasika ny resaka antontan’isa rahateo, hoy izy, izany fivoriana izany. Tafiditra ao anatin’ny FED andiany faha 11 ihany koa na ny tahiry ekonomika ho an’ny fampandrosoana. Efa voasonia io ary mbola ho avy ihany koa ny fifanaovan-tsonia mikasika ny resaka fifanakalozan ara-barotra ranofotsiny. Tombony ho antsika amin’ity fivoriana ity moa, raha ny fanazavany tetsy amin’ny biraony etsy Anosy omaly, ny fidirana lalina kokoa amin’ny fandrosoana amin’ny resaka fikirakirana antontan’isa mba hirindra amin’ny fenitra iraisampirenena. Efa miha mandroso amin’io ny INSTAT, hoy ny fanazavana. Tafiditra ao anatin’izany ny resaka fanisana ankapobeny sy torohay amin’ny varotra na “indice des prix”. Isany koa ny fifampizarana traikefa amin’ireo firenen-kafa hahafahana mampitaha ny fiarovana ireo indostrie eto amintsika sy hirosoana amin’izany fanatsarana ny fiarovana izany. Manankarena manam-pahaizana momban’ny varotra tsinona, hoy izy, I Madagasikara saingy ilaina izay fifampizarana traikefa izay mba tsy hivarotana entana amin’ny tsy tena tokony ho vidiny akory.

J. Mirija

Tia Tanindrazana

Samia mijoro ho an'i Gasikara.