Actualités

Fitsarana ny ady ifanaovana amin’ny fanjakana Hanao fanovana ny mpitsara anatin’ny “ANJA”

Actualités
Alatsinainy 08 Oktobra 2018

Hanatanteraka atrikasa (atelier) ny Fikambanana ANJA (Association Nationale Pour La Justice Administrative) na Fikambanana nasionalin’ireo mpitsara ny raharaha momba ny ady ifanaovana amin’ny fanjakana anio 8 oktobra hatramin’ny 12 oktobra 2018 ho avy izao.

Hifantoka amin’ny fanapahana sy fandaniana ireo tolo-kevitra momba ireo fanovana ny làlana sy ny paikady mifehy ny Fitsarana misahana ny ady ifanolanana amin’ny Fanjakana (juridiction administrative- Conseil d’Etat, Tribunaux administratifs) « validation des propositions des reformes de la loi 2001-025 du 03 avril 2003 sur le tribunal administratif sur le Tribunal administratif et le Tribunal financier et de la loi 2004-036 du 1er octobre 2004 sur la Cour Suprême ». Eo ihany koa ny fandrafetana sy fampitoviana ny didirakitra (jurisprudence administrative) izay avoakan’ny Fitsarana misahana ny ady ifanolanana amin’ny Fanjakana « harmonisation et alignement de la jurisprudence de la juridiction administrative ». Hisy noho izany ny valandresaka hataon’ny ANJA ho an’ny mpanao gazety anio atoandro eny amin’ny Motel Anosy ho enti-mampahafantatra ny andinindiny feno mikasika ireo rehetra ireo sy ny lafin-javatra hafa mila fantatry ny olom-pirenena.

Toky R