Actualités

Fitsarana Hitokona ireo mpiraki-draharaha

Actualités
Talata 05 Aprily 2016

Hanatanteraka fitokonana faobe avokoa indray manomboka ny alatsinainy 11 aprily ho avy izao ireo sendikan�ny mpiraki-draharah

a manerana ny nosy raha toa ka tsy misy ny fepetra raisin’ny fitondram-panjakana mikasika ny famaliana ny fangatahan’izy ireo. Efa nisy hatrany ny fihaonana teo amin’ny roa tonta saingy tsy nisy valiny izany hatramin’izao, raha araka ny fanazavan’ny solontenan’izy ireo nefa manam-bola ihany ny fanjakana raha ny fahitana azy. Na izany aza dia nambaran’izy ireo fa tsy miady amin’ny vahoaka ny sendika. Hisy hatrany ny « service minimum » toy ny fikarakarana ny casier judiciaire, karazana taratasy tena ilain’ny olona tokoa amin’izao fotoana izao, ny famoahana olona eny am-ponja saingy hatsahatr’izy ireo tanteraka kosa ny fanaovana fanadihadiana vaovao toy ny fandefasana olona hiditra vonjimaika any am-ponja sy ny fanatrehana raharaham-pitsarana. Tsiahivina moa fa ilay tohin’ilay tolona nataon’izy ireo tamin’ny fitokonana teo aloha ihany no hotakiany mandritra izao fitokonana kasainy hatao amin’ny fiandohan’ny herinandro izao. Anisan’ireny ny fampiakarana ny mari-bola tokony horaisiny amin’ireo karazana tombontsoa tokony ho azony.

Pati