Actualités

Fitsarana avo momba ny lalampanorenana. Jean Eric Rakotoarisoa no filoha vaovao.

Actualités
Alakamisy 30 Oktobra 2014

Fantatra nandritra ny fivoriana mihiboka nataon�ireo mpikambana avy eo anivon�ny Fitsarana avo momba ny lalampanorenana omaly fa dia Atoa Jean Eric Rakotoarisoa no lany ho filoha vaovao eo anivon�ity andrim-panjakana ity.

Ireo mpikambana miisa sivy ao amin’ity andrim-panjakana ity no niaraka nivory ary nanao ny fifidianana. Araka izany dia mpikambana miisa fito tamin’izy ireo no nifidy an’Atoa Eric Rakotoarisoa, feno izany ny fetra isa ahafahana mifidy ka dia lany ny tenany. Nilaza izy fa avy hatrany dia hanantanteraka ny asa nampiandraiketina azy ireo ny mpikambana ka laharam-pahamehana ny fanitsiana ny fitsipika anatiny mifehy ity andrim-panjakana ity satria fitsipika efa tamin’ny taona 1990 no mbola miasa ao hatramin’izao. Tanjona, hoy izy ny hahafahana manao ny asa nampiandraiketina azy ireo an-tsakany sy an-davany. Alefa eny amin’ny fiadidiana ny repoblika moa izao fanampahan-kevitra izao ary ny filoham-pirenena no mamoaka didy amin’ny fomba ofisialy manendry azy ho amin’izany toerana izany