Actualités

Fitsaboana nentim-paharazana Nodinihina teny Mahazoarivo

Actualités
Alarobia 24 Febroary 2016

Manomboka hanana ny toerany ara-dal�na eto Madagasikara ny fitsaboana nentim-paharazana.

Nankatoavin’ny filankevitry ny governemanta omaly mantsy ny didim-panjakana roa momba izany. Ny voalohany dia ny fandaminana ny fikirakirana ireo fanafody azo avy amin’ny zava-maniry eto Madagasikara, izay eo ambany fiahian’ny « Direction de la Pharmacie, des Laboratoires et de la Médecine Traditionnelle » ao amin’ny minisiteran’ny fahasalamana. Ny faharoa kosa dia mahakasika ny famaritana ny asan’ny mpitsabo nentim-paharazana na « Tradipraticien de Santé à Madagascar ». Hampazava kokoa ny toeran’ny fitsaboana nentim-paharazana eto Madagasikara ity fanapahan-kevitra ity satria tsy maintsy atao araka ny lalàna velona ny zava-drehetra. Andrasana ihany koa ny fanazavana misimisy kokoa avy amin’ny minisiteran’ny fahasalamana.

RTT