Actualités

Fitohasina sy Trano Koltoraly Malagasy Hanao taom-baovao eny Mahamasina

Actualités
Sabotsy 18 Martsa 2017

Raikitra fa ny datin�ny 27 sy ny 28 martsa ho avy izao no hankalaza ny taom-baovao Malagasy ny Fitohasina sy ny trano koltoraly Malagasy.

Taom-baovao Malagasy fanarenan-kasina no lohahevitra, fikambanana izay tsiahivina fa tsy mankasitraka ny fankalazana ilay taom-baovao Malagasy iray hatao ny volana septambra ho avy izao. Hiparitaka manerana ny Nosy io fankalazana io, raha ny fanazavan’ny mpikarakara omaly. Anisan’ireny ny ao Ambohibary Moramanga, ny ao Brickaville, ny ao Ambovombe … Tanjon’izy ireo ny hamerina ny hasin’i Madagasikara izay tena efa very tokoa, antony mampitotongana ny fiainan’ny isan-tokantrano sy ny ara-toekaren’ny firenena iray manontolo mihitsy. Hisy ny fampianarana ny tsirairay mikasika ireo karazana fomba tokony harahina mandritra ireo roa andro ireo, arahin’ny fankalazana ny fetin’ny taom-baovao izay hialohavan’ny fifamelan-keloka eo amin’ny tsirairay hitsenana ny taom-baovao feno fahasoavana.

Pati