Actualités

Fitantanan-dRajaonarimampianina Herintaona tsy nahitam-bokatra

Actualités
Alatsinainy 01 Desambra 2014

Nantenain-kanirina vao mainka nampivandravandra ! Voafehin�io fomba fiteny tena Malagasy io ny fahadisoam-panantenan�ny vahoaka Malagasy miandrandra fanovana tsikelikely amin�ny fitondrana Rajaonarimampianina taorian�ny ngidy mafaitra niainany nandritra ny 5 taona nambolena krizy teto amin�ny firenena

Tsaroan’ny besinimaro anefa ilay kabary miezinezin’ny filohan’ny Repoblika ny 25 janoary 2014 nampisinda ny ahiahy nanjaka teo anivon’ny fiarahamonina malagasy nanomboka tamin’ny fanonganam-panjakana ny taona 2009. Herintaona latsaka kely izay no lasa saingy tsy mbola hita manangasanga izay vokatra azo tsapain-tanana. Tsikaritra ho mikaviavia rahateo ny mpitondra fanjakana manoloana ireo olana ilaina vahana eto amin’ny firenena. Tsy mahagaga raha mivadi-dela isaky ny maneho hevitra imasom-bahoaka ireo tompon’andraiki-panjakana isan-tsokajiny. Santionany goavana indrindra amin’izany ny hevitry ny ekipan’ny filoham-pirenena momba ny fampihavanam-pirenena izay mihisatra tanteraka, ny fanatontosana ireo karazam-pifidianana kaominaly, faritra sy faritany sakana amin’ny fananganana ny Fitsarana Avo. Manginy fotsiny ny fahasahiranana ara-tsosialy sy toekarena mianjady amin’ny vahoaka malagasy. Midika ho fatiantoka ve izany ireo fivoahana misesisesy mankany ivelany izay mbola mitohy nataon’ny delegasionina malagasy tao anatin’ny 12 volana latsaka ?