Actualités

Fisitrahana herinaratra Mitana ny rambony i Madagasikara

Actualités
Zoma 30 Janoary 2015

Laharana faha-188 amin�ny firenena 189 i Madagasikara tamin�ny taon-dasa 2014 eo amin�ny fisitrahan�ny mponina herinaratra. Mitana ny rambony kosa isika tamin�ity taona 2015 ity, araka ny vokatry ny fanadihadiana nataon�ny Banky iraisam-pirenena izay tafiditra amin�ny fandrafetana ny tatitra �Doing Business 2015�

. Ny 8583,3%-n’ny vola miditra amin’ny isam-batan’olona no ilaina amin’ny fampidirana herinaratra amin’ny ankapobeny eto Madagasikara. Antony mahatonga izany ny olana goavana hita eo amin’ny sehatry ny fitokana-monina. 4348,5% kosa io tarehimarika io ho an’ireo firenena afrikanina atsimon’i Sahara ahitana ny firenena Malagasy. Mason-tsivana iray hafa nampivarina an’i Madagasikara any amin’ny laharana farany ireo dingana lavabe ilaina amin’ny fampidirana herinaratra izay mahatratra 6 raha 5,5 izany ho an’i Afrika atsimon’i Sahara. Sakana ihany koa ny fe-potoana takiana amin’ny fanatontosana ny asa izay maharitra 450 andro na 15 volana raha 138,3 andro fotsiny izy io ho an’ny firenen-kafa atsimon’i Sahara. Nivoaka omaly moa ny fanadihadiana andiany faha-5 niarahan’ny Banky iraisam-pirenena tamin’ny Instat ary ny komity teknika momba ny herinaratra eto Madagasikara.