Actualités

Fipoahana teny Betongolo Niala tsiny ny tafika

Actualités
Zoma 24 Martsa 2017

Nitondra fanazavana mikasika ilay fipoahana teny amin�ny Toby R3A eny Betongolo, izay niantefa tamina trano iray teny Tsiadana ny tafika.

Nambarany fa fipoahan'ny vanja mandefa ny fitaovana fanazarana fitifirana ana habakabaka na "cibles aériennes volant" ho an'ny balafomanga "Strela" izay fitifirana fiaramanidina izy iny. Fipoahana nandritra ny fisafoana ireo fitaovam-piadiana sy fitaovan’ny tafika nataon'ny tompon'andraikitra no niseho. Nanao fialan-tsiny tamin’ny fanelingelenana niseho ny tafika, ary nanambara fa tsy misy ifandraisany amina resaka asa fampihorohoroana iny toe-javatra nitranga iny, araka ny fanazavan’ny lehiben’ny Etamazaoron’ny tafika Malagasy. Ny tafika ihany koa no miantoka ny fitsaboana ilay ramatoa naratra sy ny fanamboarana ny trano niantefan’ilay zavatra nanidina ka nianjera teny Tsiadana. Raha ny vaovao farany, efa nahazo fitsaboana io ramatoa io ary tsy misy ahiana intsony ny fahasalamany.

Toky R