Actualités

Filankevitry ny tanànan’Antananarivo Fanapahan-kevitra maro no horaisina anio

Actualités
Zoma 05 Aprily 2019

Ao anatin’ny fivoriana tsy ara-potoanan’ny Filankevitry ny tanànan’ny kaominina Antananarivo Renivohitra (CUA) nanomboka ny alarobia teo, etsy amin’ny lapan’ny tanàna Analakely.

Lahadinika maro no iadian-kevitra sy handraisana fanapahan-kevitra mandritra ny 3 andro. Hifarana anio ny fandaniana azy na tsia. Anisan’izany ny mahakasika ny fandrindram-piainam-pianakaviana na “planning familial” hiarahana amin’ireo mpiara-miombonantoka. Ny momba ny fifamoivoizana hifehezana ireo mpitondra “moto scooter”. Ny fanitsiana ny antsoina hoe “Plan d’urbanisme de detail” na ny drafitra antsipirihany momba ny tanàn-dehibe. Ny fanitarana ireo toerana fametrahana dokambarotra “Panneau Publicitaire”, izay hatsaraina ary hatao manome endrika ny tanàna. Fandinihana ny momba ny AUGA (Agence d'Urbanisme de la Gestion d'Antanananarivo) na sampandraharahan’ny tanàn-dehibe ho an’ny tanànan’Antananarivo. Fametrahana tsangambato na “Stèle” izay efa nanaovana fitiliana ara-teknika ny toerana hametrahana azy, ny fanomezan-dalana ireo lalana ahafahana mifamoivoy, ny fametrahana dokambarotra amin’ireo fiarakaretsaka ary hofaranana amin’ny fandinihana manokana ny mahakasika ny famarotana ny tanim-pajakana izay nahabe resaka, araka ny fangatahan’ireo mpanolotsaina sasany ny tokony handinihana manokana an’io ka anio zoma famaranana no hanatanterahana izany.

Toky R