Actualités

Fikojakojana lalana Nandringa hatramin�ny 2009

Actualités
Talata 02 Febroary 2016

Tsy misy afa-tsy 47 miliara ariary monja ny vola eo am-pelatanan�ny �Fonds d�Entretien Routier� hikojakojana ny lalana eto Madagasikara amin�ity taona 2016 ity.

Manodidina ny 100 miliara ariary isan-taona anefa ny tetibola ampiasain’ny FER ilaina amin’ny fanamboaran-dalana manerana ny nosy. Nandringa tanteraka io sehatra iray fanoitra ho an’ny fampandrosoana io hatramin’ny taona 2009 nisian’ny fanonganam-panjakana. Tsy tontosa intsony moa ny fanarenana amin’ny laoniny ireo arabe nasionaly simba mirefy 50.000 km isan-taona tao anatin’ny enin-taona nifandimbiasan’ny fitondrana tetezamita sy ny fanjakana vaovao ara-dalàna ankehitriny. Mahatratra 345 miliara ariary ankehitriny ny fitambaran’ireo haba momba ny fikojakojana ny lalana tsy voaloan’ireo kaompania ambongadiny misahana ny fitsinjaran-tsolika eto amin’ny firenena Malagasy nanomboka ny taona 2011 hatramin’ny taona 2015. Antony tsy nahafahan’ireto farany nanefa ara-potoana ireo vola tokony hiditra amin’ny kitapom-bolam-panjakana ny tohana ara-bola teo amin’ny vidin-tsolika. Olana izay eritreretina hivaha niaraka tamin’ny fahatrarantsika ny vidin-tsolika tena marina tamin’ny volana oktobra 2015. Hanamora ny asa kosa ny fitsanganan’ilay filankevitra momba ny torolalana amin’ny fikojakojana ny arabe eto Madagasikara.

Ramano F.