Actualités

Fikirakirana ny informatika Manampy ny tanora ny Airtel

Actualités
Zoma 09 Septambra 2016

Mba tsy hahatara ny tanora Malagasy amin�ny fikirakirana ny solosaina, indrindra manoloana ny rivotra mitsoka entin�ny teknolojia ankehitriny dia miezaka hatrany ny orinasam-pifandraisana Airtel hanampy ny rehetra.

Tafiditra ao anatin’izany ny fanohanana ireo karazana ivontoeram-piofanana maro amin’ny alalan’ilay tetikasa Coderdojo Madagascar mankazala ny faharoa taona nisiany teto amintsika. Ireo ankizy fito ka hatramin’ny 17 taona no omeny fiofanana amin’izany. Mifandraika indrindra amin’ny fankalazan’ny orinasam-pifandraisana Airtel Madagascar ny faherintaona nanohanany azy ireo, tamin’ny alalan’ny coderbus izay mampianatra fikirakirana solosaina maimaimpoana ny tanora sy ny ankizy madinika eto amintsika. Tanjon’ny roa tonta ny hanohana sy hanampy ny zaza Malagasy amin’ny fikirakirana ny solosaina mba tsy ho tara amin’ny fihazakazaky ny fandrosoana misy manerana izao tontolo izao. Andriamatoa Edgard Razafindravahy no ray mpiahy ity coderbus ity, manohana ny tetikasa akaiky ihany koa ny fikambanana Lions Club Manjakamiadana. Nisy ny fanolorana mari-pankasitrahana ho an’ireo ankizy nianatra informatika teny anivon’ireny ivontoeram-piofanana ireny toy ny tao amin’ny coderbus Ivato, Anjanahary ary Andohatapenaka, narahin’ny orinasam-pifandraisana Airtel Madagascar fanolorana fanomezana.

Pati