Actualités

Fikambanana Youth First Hanamafy ny fahaiza-manaon�ny tanora Malagasy

Actualités
Talata 16 Aogositra 2016

Hanamafy ny fahaiza-manaon�ny tanora Malagasy ny fikambanana Youth First, tarihin�ny filohany Razafinimanana Tiana.

Ankoatra ireo asa nosahaniny toy ny fampiofanana maimaimpoana ny tanora ho lasa mpitarika hanohana ireo namany eny anivon’ny fiarahamonina mantsy dia tafatsangana ihany koa ny Club Mahatsangy. Ny sabotsy teo no nampahafantarana tamim-pomba ofisialy izany tetsy amin’ny hotel de ville Analakely, klioba iray hanohana ireo tanora 15 ka hatramin’ny 24 taona eny anivon’ny fokontany miampy ireo mpianatry ny lycée eto Antananarivo Renivohitra miaraka amin’ny distrikan’Atsimondrano sy Avaradrano. Hampiofanina momba ny fitantanam-bola izy ireo, ny fananganana tetikasa iray, ny business plan … Afaka miditra ao anatin’io klioba io avokoa izay tanora rehetra vonona ary afaka mandray ny fiofanana. Hisy ny sonia fifanekem-piaraha-miasa hiarahan’ny fikambanana amin’ny minisiteran’ny fanabeazam-pirenena amin’ity herinandro vaovao ity hahafahana manatanteraka izany. Ny orinasam-pifandraisana Orange Madagascar no mpanohana akaiky ny tetikasa, hotronin’ny Fonds Canadiens pour les Initiatives Locales sy ny Mérite International de la jeunesse. Nandritra ny fankalazana ny andro iraisam-pirenena ho an’ny tanora izay nomarihina ny sabotsy teo no nampahafantarana izany rehetra izany.

Pati