Actualités

Fikambanana Rantsana dimy « Nahazo baiko avy any an-danitra »

Actualités
Zoma 07 Jona 2019

Nanao fanambarana tetsy amin’ny CNEAGR Nanisana omaly ny avy eo anivon’ny fikambanana Rantsana 5 fa nahazo baiko avy any an-danitra izy ireo mba hiantso ireo mpitondra fivavahana

avy amin’ny finoana rehetra eto Madagasikara ao amin’io toerana io ihany ny 17 jona izao. Antony, hoy ny fanazavan’ny pasitera Vato Fenohery, anisan’ireo 5 mirahalahy ao anatin’ity fikambanana milaza azy ireo voatendrin’Andriamanitra ity mba hamondronana ny finoana rehetra maneran-tany ho iray ihany, araka ilay teny ao anatin’ny baiboly hoe “mba ho iray ihany izy rehetra”. Eto Madagasikara no hanombohana ny famondronana satria firenena voafidy ity, hoy izy, ary Malagasy ireo 5 mirahalahy navondron’Andriamanitra ho rantsana dimy hatramin’ny taona 2014. Efa voalazan’ny baiboly mikasika izao andro farany izao io, hoy izy ireo.

J. Mirija