Actualités

Fihotsahan�ny tany eny Manjakamiadana Tokantrano 100 tafo no traboina

Actualités
Alarobia 13 Janoary 2016

Tokantrano 100 tafo no efa traboina amin�izao fotoana izao ao amin�ny Fokontany Manjakamiadana vokatry ny fihotsahan�ny tany, nateraky ny ora-nikija tato ho ato.

Misy amin’izy ireo no nalana tsy fidiny tamin’ny tranony raha misy koa ireo voatery niala mihitsy noho ny voina nitranga. Ankoatra izay dia fantatra fa mbola atahorana mafy ny fihotsahan’ny tany tsy miato ao amin’ity fokontany iray ity miampy ny fokontanin’Ambohipotsy ary Tsiadana, raha araka ny fanadihadiana nataon’ny birao nasionaly misahana ny loza voajanahary miaraka amin’ny oniversiten’Antananarivo sy ny tompon’andraikitry misahana ny fanaraha-maso tontolo iainana amin’ny alalan’ny satelita aty amin’ny oseana indiana. Raha araka ny vokatra hitan’izy ireo mantsy dia mihamahazo vahana hatrany ny fitsihifan’ny rano any ambanin’ny tany izay misoko miadana tokoa. Ireo fotodrafitrasa famoahan-drano anefa etsy an-daniny efa tena antitra vokatry ny fanorenana tsy ara-dalana amin’ireo toerana mitolila izay vao mainka mampahazo vahana ny fihotsahan’ny tany. Vokany, voatery nanarina sy nanamboatra ireo tatatra fivoahan’ny rano eny an-toerana ny BNGRC ankoatra ny fametrahana ny Comité Local de Secours na ny CLS.

Pati