Actualités

Partagé sur :
• facebook

Nofohazin’Atoa Randrianarisoa Hery Tiana izay tompon-tanàna any Fenoarivobe ny Zanaka am-pielezana rehetra mba handray ny andraikiny araka izay vitany sy azony atao hahatonga ny Distrikan’i Fenoarivobe hivoatra sy ho maodely.

 Nijoro noho izany ny ZAD Fenoarivobe na ny Zanaka  am-pielezana  Avy amin’ny Distrikan’i FENOARIVOBE  na  ZAD  FENOARIVOBE iombonan’ny Zanaka am-pielezana  rehetra. Tsy mbola misy ny filoha voafidy hitondra sy handrindra azy, ka  dia  nitsangana ny  Komity  mpanomana ny Fifidianana  tarihin-dRamatoa  Vola  Perez.  Ny ZAD FENOARIVOBE  dia  fikambanana  lehibe  indrindra ao anatin’ny  Distrikan’i Fenoarivobe  ka  mpikambana  ao avokoa  ireo rehetra  avy  any amin’ny tanàna maro mandrafitra ity distrika ity: AMBOHITROMBY, FENOARIVOBE, FIRAVAHANA, KIRANOMENA, MARITAMPONA, MANGATANY, MAHAJEBY, MAHAIMANDRY, ANDRIAMPOTSY, TSINJOARIVO  22, ANKOTRABE, AMBATOMAINTY  ATSIMO SY AVARATRA,....  Tapaka  ary  fa ny  sabotsy  16 Febroary 2019  amin’ny 02 ora  atoandro  eny  Amboatavo  ITAOSY ( akaikin’ny ECOLE VICTOR) no hanaovana  ny fifidianana.  Tsara  ny manamarika fa  tsy maintsy mitondra  kara-panondro  ireo  rehetra  hamita ny adidiny mba ho fitandroana ny filaminana sy fanamarinana  noho ny ratsy tsy tery lalana. Ity  distrikan’i Fenoarivobe  ity moa dia  efa  ahitana  Zana-pikambanana maro toy ny AEUDF ho an’ireo mpianatry ny oniversite  avy any amin’ity distrika ity, ZANAK’I FENOARIVOBE ho an’ireo avy ao amin’ny kaominina Fenoarivobe irery ihany. Ny fikambanana dia tsy manao  politika ary  tsy azon’ny mpanao politika baikoana fa misokatra ho an’ireo  vonona hiara-kiasa amin’ny fampandrosoana ny  distrikan’i Fenoarivobe. Ny fikambanana kosa anefa dia manaja ny rafitra  rehetra misy ary indrindra ny rafitra ara-pikambanana toy ny MAFAMI ho an’ny Faritanin’Antananarivo sy ny ZANAK’I BONGOLAVA ho an’ny Faritra Bongolava.  Misy ihany koa ny sehatra azo hifanakalozan-kevitra amin’ny alalan’ny tambajotra fesiboky: “Zanaka Am-pielezana Distrika Fenoarivobe”.

Toky R

Tia Tanindrazana

Samia mijoro ho an'i Gasikara.