Actualités

Fifaninanana maka sary Mpanao gazety maro no notolorana loka

Actualités
Sabotsy 29 Oktobra 2016

Mbola betsaka ireo tanora tsy dia liana loatra amin�ny fakana sary eto amintsika, indrindra fa ny sary pika.

Na izany aza anefa dia niavaka ny fifaninanana nokarakarain’ny orinasa Star. Nanodidina ny 60 ireo olona nandray anjara avy amin’ny faritra 22 ny volana aogositra lasa teo. Nozaraina omaly kosa ny loka mifandraika amin’izany. Raha tsiahivina dia karazana sary maro mahakasika ny asa hiandraiketan’ny orinasa Star andavanandro amin’ny fitsinjarana ireo zava-pisotro sy ranom-boankazo amidiny no navoitra tamin’izany. Ny tale jeneralin’ny orinasa Star sy Andriamatoa Fidisoa izay mpaka sary pika matihanina tsy zoviana amintsika intsony no nandrafitra ny fikambanan’ny mpitsara tamin’izany ka ilay sarin-dRatsimanohatra Aiky no tena nahasarika azy ireo izay nahazo ny laharana voalohany. Sarina lehilahy mpivarotra mitondra “cageot” Star, entina hofenoina izy io, izay nahazoan’ny tompony taratasim-bola mitentina 500.000 Ar no azony, niampy zava-pisotro sy kojakoja maro samihafa. Tsy latsa-danja amin’izany ireo mpanao gazety mpaka sary avy amin’ny gazety an-tsoratra maro eto an-drenivohitra izay notolorana loka ihany koa.