Actualités

Fiatrehana ny fahavaratra Efa vonona ny APIPA na dia…

Actualités
Zoma 19 Oktobra 2018

Tsy vita ny asa tokony ho natao isan-taona. Manarina tsikelikely ny tao anatin’ny 2 na 3 taona ny APIPA (Autorité pour la Protection contre les Inondations de la Plaine d’Antananarivo),

araka ny nambaran’ny tale jeneraliny Rateloson Philippe. Eo ny fijerena ireo fefiloha simba sy ny fanadiovana ny tatatra sy ny lakandrano lehibe tahaka ny eny Andriantany sy ny manamorona ny reniranon’i Sisaony eny Atsimondrano. Nanambara ny tenany fa efa hatramin’ny volana febroary no ho mankaty no niomana fatratra ny APIPA ny amin’ny fiavian’ny orana. Efa vonona ny fepetra rehetra hiatrehana ny tondra-drano sy ny orana ho an’Antananarivo Renivohitra, hoy izy. Omaly izao no nanomboka ny fijerena ny fefiloha vaky eny Soavina. Nanentana ny rehetra ny APIPA ny amin’ny tokony hanajana hatrany ny fahadiovana, indrindra ny tsy hanariana fako mety hanentsina haingana ireny tatatra etsy sy eroa manerana an’Antananarivo ireny.

Tsirinasolo