Actualités

Fiara nitatitra ny mpino FJKM Nilan�ny polisy vaniny

Actualités
Alatsinainy 12 Oktobra 2015

Tomefy mpivavaky ny FJKM omaly alahady teny amin`ny kolejy teolojika Ivato. Ny synodam-paritany Antananarivo Andrefana no nanao fivoriambe sy fanompoam-pivavahana ho fankasitrahana ireo mpiasam-piangonana nahavita be tao Antananarivo Andrefana ary koa ho fiarahabana ireo mpitandrina sy katekista ary talen-tsekoly FJKM vao notendrena.

Sahabo ho 9 000 teo ho eo ny mpivavaka nanatrika izany. Ny nahavariana dia ny fisavana fiara nataon`ny polisy teo Ampasika tamin`ny fiara nitondra ny mpivavaka. Niala teo dia voasava indray teo Andohatapenaka ny fiara mpitatitra. Tsy hidirana lalina ny mety ho fahadisoan`ny saofera vokatry ny tsy fananany alalana hitatitra ny mpandeha. Fa ny re tamin`ny mpamily dia hoe saika “voaotra “ in-droa avy izy ireo teo Ampasika sy Andohatapenaka. Fiara mpitatitra efa ho 40 mahery no tratr`izany. Mba nisy niditra tamin`ny kitapom-bolam-panjakana ary ve ny vola vokatry ny fandikan-dalàna nataon`ny mpamily sa dia very an-javony daholo. Aiza ny fanaraha-maso ny amin`ny fanaovana kolikoly sady resa-be hatrany izany hatreto ?