Actualités

Fiadidiana ny Repoblika Mamokatra gazoala tsy ara-dal�na ao Ampangabe ?

Actualités
Alakamisy 02 Martsa 2017

Roa taona no nisian�ilay fitrandrahana gazoala tsy manara-dal�na ao anatin�ny kaominina ambanivohitra Ampangabe distrikan�Ambohidratrimo.

Ny volana jolay 2016 kosa no nanomboka nitaraina amin’ny voka-dratsin’io orinasa ankalamanjana io ireo mponina eny amin’ny manodidina, hoy ny solombavambahoakan’i Madagasikara Rabenirina Maminiaina. Efa nijery ny zava-misy teny ifotony ary nanao fanadihadiana momba ny tranga manimba ny tontolo iainana amin’ny ankapobeny eny an-toerana rahateo ny depiote Tiako I Madagasikara. Fantatra tamin’izany fa tsy mahalala ny fisian’ity fanodinana solika tsy manara-penitra ity akory ny governemanta, araka ny taratasy avy amin’ireo minisitera mpiahy toy ny fiarovana ny tontolo iainana sy ny akoranafo. Milaza anefa ny tompon’andraikitra iray eo anivon’ny primatiora fa tsiambaratelon’ny fanjakana ary tafiditra ao anatin’ny tetikasan’ny Fiadidiana ny Repoblika io famokarana solika tsy eken’ny fiaraha-monina eny Ampangambe io. Tsy misakana ny asa fampandrosoana ireo vahoaka solon’ny depiote Rabenirina Maminiaina tena fa mangataka kosa ny fanatanterahana izany ao anatin’ny fanajana ny lalàna velona.

Ramano F.