Actualités

Fetin'ny paska 2016 Nihena ny isan�ireo olona nanatona ny hopitaly

Actualités
Alarobia 30 Martsa 2016

217 isa ireo olona nila famonjena tonga nanatona ny h�pitaly HJRA Ampefiloha nandritra ny fetin�ny paska lasa teo, nahatratra 275 isa tamin�ny taon-dasa.

Ny 67 tamin’ireo no voatery naiditra hopitaly izay lasibatry ny ratra nateraly ny ady sy ny fifamonoana tamin’ny ankapobeny ankoatra ny lozam-pifamoivoizana. Iray kosa no namoy ny ainy izay nitovy tamin’ny taon-dasa ihany. Tamin’ny alatsinainy no tena betsaka, hoy ny dokotera Rabary Naritiana satria nahatratra 129 ireo tonga nanatona ny sampana vonjy taitra. 88 ny alahady. Ho an’ny sampana fameloman’aina kosa indray izay mandray ireo olona voapoizin’ny sakafo sy tsy mahatsiaro tena vokatry ny fisotroan-toaka dia zazalahy kely iray vao 14 taona monja no mamo tampona ka voatery naiditra hopitaly. Tafiditra tao anatin'ireo sivy nandalo tao amin'ny efitrano fameloman'aina izy io ary efa nivoaka soa aman-tsara. Vehivavy efatra niampy zaza iray kosa no tratry ny fahapoizinana ara-tsakafo, raha renim-pianakaviana iray no tsy nahazaka ny sakafo nohaniny ka voatery naiditra hopitaly ihany koa. Efa nalefa nody ny ankamaroan'izy ireo taorian'ny fitsaboana sy ny fandraisana an-tanana natao taminy.

Pati