Actualités

Fehezan-dal�nan�ny serasera Mitohy ny don-tandroka

Actualités
Zoma 26 Aogositra 2016

Tantara tsy vita ny fifandroritana eo amin�ny mpitondra sy ny mpanao gazety manoloana ilay Fehezan-dal�na mifehy ny serasera vao nankatoavin�ny Fitsarana avo momba lal�mpanorenana teo.

Naneho ny heviny omaly, ny Hetsiky ny Mpanao gazety mandala ny fahalalahana maneho hevitra, taorian’ny fivoriany teny Antanimena fa « manohitra » ny endrika fanilihana tamin’ny dinika teo amin’ny filohan’ny Repoblika sy ny solontenan’ny mpanao gazety teny Iavoloha ny harivan’ny 23 aogositra teo. Nilaza ny Hetsika fa « tsy handray anjara » amin’ny fametrahana ny Sehatra Ifampidinihana, nivoitra taorian’iny fihaonana teny Iavoloha iny, noho ny « kiry » ataon’ny filoha Hery Rajaonarimampianina hamoaka didim-panjakana hampanan-kery ilay Fehezan-dalàna mifehy ny serasera, na eo aza ireo tolo-kevitra sy fampirisihana ataon’ireo masoivohom-pirenena vahiny, ny firahamonim-pirenena, mpanao gazety hisian’ny fifanatonana hifampidinihana. Hanokana ny andron’ny talata 30 aogositra ny Hetsika ho andro firaisankinan’ny mpanao gazety sy hanaovana « Miara-manonja » amin’ny onjam-peo.

Jean D.