Actualités

Fatiantoka tsy roa aman-tany

Actualités
Alarobia 23 Desambra 2015

Dia hiroso amin�ny fitokonana fanairana mandritra ny 24 ora izany ny sendikan�ny mpiasan�ny ladoany anio tontolo andro.

Hanerana ny Nosy io. Nandamoka avokoa ny fifampidinihana isan’ambaratonga. Manohitra ny hanomezana ny vahiny ny fitantanana ny asa eny amin’ny fadin-tseranana ny sendika. Tsy hisy entana afaka hiondrana, tsy hisy entana afaka hiditra. Ny fety anefa ity ho avy. Vola hatrany amin’ny 5 miliara Ariary no tsy hiditra ao amin’ny kitapom-bolam-panjakana anio, izay ho anisan’ny fiantraikan’io fitokonana io. Tsy ahoan’ny Fanjakana anefa izany. Asa hoe : hanao mazia mazia toy ny ahoana ny Fanjakana hanatrarany ny tanjony, amin’ny fanatsarana ny fampidiran-ketra. Mirongatra ny asan-jiolahy sy ny fanafihana mitam-basy, tsy eto an-drenivohitra ihany fa hatrany amin’ny faritra. Mihorohoro ny vahoaka, mahatsiaro ho tsy voaaro hatramin’ny fananany. Tsy misy fitonian-tsaina, tsy misy asa aman-draharaha vanona, tsy misy fihariana mandeha amin’izay laoniny. Tsy roa aman-tany ny fatiantoka, tsy ho an’ny Fanjakana ihany fa mipaka isan-tokantrano ihany koa.

Jean D.