Actualités

Faritra atsimon�ny nosy Nahazo lakandrano mirefy 25 km

Actualités
Alakamisy 15 Desambra 2016

Notokanan�ny filoha Rajaonarimampianina omaly tany Bezaha ny lakandrano mirefy 25 km ahafahana mamatsy rano ireo tanimbary any amin�iny faritra atsimon�ny nosy iny.

Maherin’ny 2500 ha ny velaran-tanimbary hisitraka izay vatsin-drano avy amin’ity lakandrano ity izay ary olona 20 000 mahery no hahazo tombontsoa mivantana avy aminy. Ny banky afrikanina misahana ny fampandrosoana no namatsy ny fanatanterahana ny tetikassa ary tafiditra indrindra ao anatin’ilay tetikasa famerenana amin’ny laoniny ireo fotodrafitrasa any amin’ny faritra Atsimo atsinanana izy io dia ny tetikasa PRIRSO izay hanontonana vola be hatrany amin’ny 21 miliara ariary. Tanjona ny fanomezana aina vao indray ny asa famokarana amin'ny tapany atsinanan'ny faritra Atsimo andrefana izay nosokajiana ho sompitra ara-bary.

Mirija