Actualités

FARITRA ANALAMANGA Manampy amin�ny fitandroana ny fandriampahalemana eto an-drenivohitra

Actualités
Alarobia 23 Novambra 2016

Mifanome tanana hitandroana ny fandriampahalemana eto an-drenivohitra sy ny manodidina ny Faritra Analamanga sy ny prefektiora ary ny polisim-pirenena.

Nozaraina tamim-pomba ofisialy ny faran’ny herinandro teo ny fanamiana mitovy hanaovan’ireo voamieran’ny fandriampahalemana hiasa eo anivon’ny boriborintany efatra eto an-drenivohitra dia ny Voalohany, Fahefatra, Fahadimy ary Fahenina. Fokontany miisa 134 no voakasika izay marihina fa hiasa hitandro ny filaminana eny amin’ny faritra misy azy avy. Araka ny fantatra dia mpilatsaka an-tsitrapo avokoa ireo vaomiera ireo ary hizarazara hitety fokontany andro aman’alina, hanara-maso ny filaminana. Hiara-kiasa amin’ny mpitandro ny filaminana izy ireo amin’izany hampita ny zava-misy eny ifotony. Marihina moa fa natomboka amin’izao fandraisana ny fihaonana an-tampon’ny firenena miteny frantsay izao ity ezaka ity izay hotohizana hatrany araka ny nambaran-dRakotonanahary Ndranto, Lehiben’ny Faritra Analamanga.