Actualités

Fanorenan-trano tsy ara-dal�na Hentitra ny fanaraha-maso eny Ambavahaditokana

Actualités
Alakamisy 10 Novambra 2016

Miroso hatrany amin�ny fampanarahan-dal�na ny mponina ao aminy ny kaominina Ambavahaditokana, distrikan�Antananarivo Atsimondrano amin�izao fotoana izao.

Ankoatra ny fitakiana ny hetra, hetsika izay efa mandeha ankehitriny mba hahafahana mampandroso ny tanàna dia misy ihany koa ny fitsirihana ireo fanorenana tsy ara-dalàna eny anivon’ny fokontany. Voakasik’izany ny tamboho, ny trano. Raha ny fanazavan’ny Ben’ny tanàna Ratianarivo Bruno dia efa nisy sahady ny vokatra azo. Nahatratra 25 ka hatramin’ny 30 isa isam-pokontany mantsy ireo nanao asa fanorenana tsy ara-dalàna tratran’izy ireo tao anatin’ny dimy andro monja ka tsy maintsy handraisany ny fepetra manokana. Anisan’izany ny fanentanana azy ireo mba hiroso amin’ny ara-dalàna ka hanaovana fangatahana eo anivon’ny kaominina. Mikasika ny fandoavan-ketra manokana dia fantatra fa ny 40 %-n’ny mponina ao Ambavahaditokana no mba nanao izany tamin’ny taona 2013 sy 2014. Mikasika ny fampandoavana hetra ny alika sy ny olona, lalàna izay efa nisy tany aloha tany dia nanambara ity Ben’ny tanàna ity fa tsara raha mitondra fanazavana mifandraika amin’izany ho an’ny mponina ny fanjakana mialoha ny tena hampiharana azy.