Actualités

Fangatahana “visa” mankany Frantsa Hisy fiovana ny fikarakarana

Actualités
Alakamisy 24 Janoary 2019

Firenena be mpisafidy ivahinianana i Frantsa noho izy manankarena amin’ny fahasamihafana, indrindra ho an`ny kaontinanta Afrikanina.

Anisan`ny firenena sarotra sy manahirana kosa rehefa hangatahana fahazoan-dalana (visa) miditra ao aminy hahafahana mivezivezy malalaka sy ara-dalàna ao amin'ny faritany Frantsay ho toy ny firenena vahiny. Ny dingana tokony horaisina dia miankina amin'ny toe-javatra misy azy sy ny maha firenena azy satria vitsy no nahazo fahazoana taratasy tamin`ny taon-dasa. Raha tsy ampy ny antontan-taratasy dia mbola hanaovana fanadihadiana lavabe vao mety ho voaray ny fangatahana. Tsiahivina fa orinasa tsy miankina iray no nandray an-tanana ny fandrindrana ny fangatahana fahazoan-dalana. Tsy mifandray mivantana amin’ny masoivohon’i Frantsa intsony anefa ireo nikarakara. Ny fandaminana hatramin`izay dia aterina any amin’ilay orinasa tsy miankina ny antontan-taratasy rehetra. Amin`izao kosa, manao fanoratana anarana amin’ny tranonkalan’ny masoivoho. Rehefa vita izay dingana izay vao manatitra ny antontan-taratasy fangatahana eny amin’ilay orinasa tsy miankina eny Ankorondrano. Hanomboka ny 01 febroary ity lamina vaovao ity. Aorain`izay dia tsy horaisina intsony ny antontan-taratasy ahitana ilay « formulaire » toy ny teo aloha. Hita amin’ny tranonkala https://france-visas.gouv.fr/ kosa ny andinindinin’izany.

Marigny A.