Actualités

Fandraisana mpampianatra Voatsikera mafy i Paul Rabary

Actualités
Sabotsy 23 Aprily 2016

Miezaka mandamin-dresaka ny eo anivon�ny minisiteran�ny fanabeazam-pirenena manoloana ny tsikera mafy amin�ny fomba fandraisana mpampianatra ho mpiasam-panjakana.

Niteraka fitokonana goavana tao Manakara izany ary dia nofantsihin’ireo mpampianatra FRAM anatin’ny Faritra Vatovavy Fitovinany ny biraon’ny Foibem-pitondran’ny fanabeazam-pirenena ao Manakara, ary niantso ny minisitra Paul Rabary izy ireo ho avy any Manakara hanome vahaolana. Tsy mitovy ny filana isam-paritra amin’ny mpampianatra. I Vatovavy Fitovinana izay misy fari-piadidiam-pampianarana enina dia tsy mitovy amin’ny Faritra Bongolava izay tsy misy afa-tsy fari-piadidiam-pampianarana roa. Koa tsy tokony hoferana ho 87 isaky ny fari-piadidiam-pampianarana ny mpampianatra FRAM , hoy ireo mpampianatra mitokona, raisina ho mpiasam-panjakana. Fantatra taorian’izay fa nampiantso delegasiona avy amin’ny mpitokona ny minisitry ny fanabeazam-pirenena Paul Rabary hihaona aminy aty Antananarivo rahampitso alahady. Delegasiona ahiana mpampianatra FRAM enina mianadahy, ka telo avy any amin’ny fari-piadidiam-pampianaran’i Vohipeno, iray avy any Mananjary, Manakara ary Ifanadiana, no hiakatra hihaona amin’ny minisitra araka ny fangatahan’ity farany, hitadiavana vahaolana miaraka manoloana ny fitakiana.

Jean D.