Actualités

Fandraharahana amin’ny teknolojia Hanampy ireo tanora ny hetsika « Devfest »

Actualités
Zoma 18 Oktobra 2019

Hotanterahina eny amin’ny zone Futura Andranomena ny 26 sy ny 27 oktobra ho avy izao ao amin’ny Nexta ilay hetsika

Devfest andiany voalohany . Ny Google Developer Group ( DGD) no tompon’antoka amin’izany. Ny tanjona dia hanampy ireo tanora te handraharaha eo amin’ny sehatry ny teknolojia na te ho lasa “developpeur” raha izay no ilazana azy. Tafiditra ao anatin’izany ireo mpamorona cite web, mpanao reseau… Ny mba hanampiana ireo tanora eto amintsika hiditra lalindalina kokoa amin’ity sehatra ity no tanjona. Mbola malalaka mantsy ny sehatr’asa azo atao ao anatin’izany sady mampidi-bola ihany koa, hoy i Rijaniaina Randrianomanana, tompon’andraikitra eo anivon’ny DGD. Hisy, araka izany, ireo karazana orinasa ho avy hanohana azy ireo ka hisy mihitsy ny fandraisana mpiasa avy hatrany, arahin’ny kaonferansa lehibe entina hanazavana amin’ireo mpizaika ny momba ny developpeur sy ny asany. 2.000 Ar ny sarany nefa nambaran’ireo mpikarakara fa tafiditra ao anatiny ny sakafon’ireo mpizaika.

Pati